Muzland.info on Facebook

Neapolitan Songs

Dicitencello vuje

The Key

 
 
 
 
 
 

Lyrics

 
 
 
 

© Compiler: Anton Gavzov (https://Muzland.info)

Testo di Enzo Fusco / Musica di Rodolfo Falvo


Dicitencello a 'sta cumpagna vosta
Ch'aggio perduto 'o suonno e 'a fantasia...
Ch''a penzo sempe,
Ch'è tutt''a vita mia...
I' nce 'o vvulesse dicere,
Ma nun ce 'o ssaccio dí...

     'A voglio bene...
     'A voglio bene assaje!
     Dicitencello vuje
     Ca nun mm''a scordo maje.

     E' na passione,
     Cchiù forte 'e na catena,
     Ca mme turmenta ll'anema...
     E nun mme fa campá!..

Dicitencello ch'è na rosa 'e maggio,
Ch'è assaje cchiù bella 'e na jurnata 'e sole...
Da 'a vocca soja,
Cchiù fresca d''e vviole,
I giá vulesse sèntere
Ch'è 'nnammurata 'e me!

     'A voglio bene...
     'A voglio bene assaje!
     Dicitencello vuje
     Ca nun mm''a scordo maje.

     E' na passione,
     Cchiù forte 'e na catena,
     Ca mme turmenta ll'anema...
     E nun mme fa campá!..

Na lácrema lucente v'è caduta...
Dicíteme nu poco: a che penzate?! 
Cu st'uocchie doce,
Vuje sola mme guardate...
Levámmoce 'sta maschera,
Dicimmo 'a veritá... 

     Te voglio bene...
     Te voglio bene assaje...
     Si' tu chesta catena
     Ca nun se spezza maje! 

     Suonno gentile,
     Suspiro mio carnale...
     Te cerco comm'a ll'aria:
     Te voglio pe' campá!..
 
 
 
 
The top twenty The top twenty Print
 

 

 


 

 

 

 

“Dicitencello vuje” song:

Statistics Published 20.03.10
49157 views
Transposed 27299 times

  1. Guitar Chords
  2. 🎸 N
  3. 🎶 Neapolitan Songs 🎶
  4. Dicitencello vuje (Lyrics)